Transcription
1
Monsieur, je vous advertis hyer des occurrences de ce costé par
2la voye des postes, qui me fera [barré fère] estre pluls cour à present, joint
3
que je mis dans mon paquet ce que vous en escrivoyt monsieur de
4
La Tivolière. Despuys, nest surveneu chose dimportance, si ce nest
5
que lon pense avoyr decovert une demye trahison en ceste
6
ville de quelques ungs des chevaux legiers, non de la compagnie
7
du sieur Centurion, mès de ceulx qui alarent trover monsieur
8
d’Ambrun. A cest heure, lon debat à qui seront les chevaux de
9
ceulx qui sont prisoniers dont leur capitaine me vint hyer fère
10
une alarme, mès je luyabregeay que cela nestoyt de mon
11
gibier. Il me dit que tout chaut il aloyt vous trover. Je
12
luy respondis que cestoyt voyrement à vous seul à en juger
13
et que je n’avoys aultre à vous escrire par luy. Nous
14
sommes en ung estrange temps. Quant à largent duquel
15
mhavés touché ung mot par la votre du 17, jen ay conferé
16
avec le sieur de Brigodières. Il me met en bon espoyr, voyre
17
asseurance de filer jusques en avril. Il fault que je
18
vous die, monsieur, que le roy a grande occasion de se
19
contanter du devoyr qu’a faict le païs, je dis toutz estatz,
20
et que si ceste guerre continue, il est raysonable que sa
21
magesté degueyne son espée et ouvre sa bource,comme jà
22
je vous hay touché dès Chambery. Je ne me veulx venter de rien,
23
mès jay assés tesmoins quil y ha plus de deux moys que
24
jay taché à metre ung ordre en ceste ville qui vous porroyt
25
à une necessité relever de quelques forces. Je ne mousa
26
venter den venir au bout, mays il ne tiendra en Moy. Je
27
prieray sur ce le Createur
28
monsieur, vous doner en santé heureuse et longue vie. De Grenoble,
29
ce 21 de fevrier 1574.
30
Ledit sieur de Brigodières mha bien faict quelque playnte, mès
31
ce sera pour une aultre foys.
32
Votre très humble et obeissant
33
serviteur g de portes.